Mənimlə dost olarsan?

Rac, Tina və Puca uşaqlıqdan bəri ayrılmaz dostlar idi, lakin Racın təhsil almaq üçün Londona köçməsi onları ayırır. Tinaya aşiq olan Rac onunla elektron poçtla yazışmaq barədə sözləşir. Lakin Tinanın uzun məktublar yazmağa həvəsi olmur və Raca gizlicə rəğbət bəsləyən Puca onun adından cavablar göndərməyə başlayır.

İllərlə davam edən bu yazışmalar gəncləri bir-birinə daha da bağlayır. Düz on beş ildən sonra Rac doğma şəhərinə qayıdır. Həqiqətin onu məyus edəcəyindən qorxan Puca, bu sirri heç vaxt açmamaq üçün Tinanı dilə tutur.

2002-ci il istehsalı olan «Mujhse Dosti Karoge!» filminin rejissoru Kunal Kohlidir. Hindistan istehsalı olan bu melodramda əsas rolları Hritik Roşan, Karina Kapur, Rani Mukherci və Uday Çopra canlandırıb.