Cənab Canql və Milad səyahəti

İstedadlı oyuncaq ustası illərdir öz emalatxanasında qeyri-adi əşyalar hazırlayır. «Jingle Jangle: A Christmas Journey» filmi qocaman sənətkar və onun diribaş nəvəsinin münasibətlərindən bəhs edir. Onları bir-birinə bağlayan təkcə qohumluq deyil, həm də ixtiraçılıq həvəsidir.

Ustanın əlindən çıxan sehrli və bənzərsiz bir mexanizm hər kəsin diqqətini cəlb edir. Baba və nəvə bu möcüzəvi kəşfin ardınca müxtəlif sınaqlarla və yeni hadisələrlə üz-üzə qalırlar. Qarşıda onları sehr və təəccüblə dolu anlar gözləyir.

ABŞ istehsalı olan bu musiqili ailə filmi 2020-ci ildə nümayiş olunub. Ekran əsərinin rejissoru Devid E. Talbertdir. Əsas rollarda Liza Davina Fillips, Tobi Qrin, Bernard Kollako və Key Braun çəkiliblər.