Tüklü xüsusi təyinatlılar

On iki yaşlı Ouen çoxdankı arzusuna çatır və valideynləri ona Habbl adlı sahibsiz bir iti saxlamağa icazə verirlər. Bir müddət sonra oğlan heyrətamiz bir qabiliyyət kəşf edir: o, dördayaqlı dostunun danışığını tam başa düşür. Əsl adı Kenid 3942 olan bu it Sirius ulduzundan Yerə göndərilib və əsas tapşırığı minilliklər əvvəl bura gəlmiş itlərin planeti idarə edib-etmədiyini yoxlamaqdır.

Lakin yadplanetli qonaq yerli itlərin heç bir hökmdarlıq etmədiyini, sadəcə ev heyvanı kimi yaşadıqlarını görür. İndi Böyük Doqinya bura təftişə gəlməmişdən qabaq Ouen və Habbl məhəllə itlərini ciddiləşdirməli və yoxlamaya hazırlamalıdırlar, əks halda bütün itlər Yer kürəsindən birdəfəlik aparılacaq. Əvvəllər heç vaxt dostu olmayan oğlan yeni yoldaşı ilə birlikdə böyük bir sınaqdan keçir.

ABŞ istehsalı olan «Tüklü xüsusi təyinatlılar» fantastik komediyası 2003-cü ildə rejissor Con Hoffman tərəfindən çəkilib. Baş rolları Metyu Broderik, Donald Feyson, Brenda Kriçlou və Çiç Marin canlandırıblar.