Məktəbli rəfiqələr və quldur qızılının sirri

Sent-Trinian adi təhsil ocaqlarına heç bənzəmir. Bu məktəbdə oxuyan qızlar nizam-intizama məhəl qoymur, əvəzində isə soyuq silahlardan və partlayıcı vasitələrdən ustalıqla istifadə edirlər.

Şagirdlər bu dəfə məktəb direktoru Kamillanın əcdadı olmuş dəniz quldurunun qədim xəzinəsini axtarmağa başlayırlar. Qızların qarşısına Fritton ailəsi ilə ədavəti olan və qadınlara nifrət edən hiyləgər ser Pomfri çıxır. Sərvətə çatmaq üçün qızlar öz qeyri-adi bacarıqlarını işə salmalı olurlar.

Böyük Britaniya istehsalı olan «St Trinian's 2: The Legend of Fritton's Gold» macəra filmi 2009-cu ildə rejissorlar Barnabi Tompson və Oliver Parker tərəfindən çəkilib. Komediyanın baş rollarında Ketrin Parkinson, Tom Rayli, Codi Uittaker və Devid Arman yer alıb.