Robin Qudun qızı: Oğrular şahzadəsi

Robin Qud taxt-taca sədaqətlə xidmət etdiyi bir vaxtda onun gənc qızı Qvin evdə oturmaq istəmir. Atasından gizlin at çapmağı və kamandan sərrast ox atmağı öyrənən cəsur qız tezliklə bu bacarıqlarını sınaqdan keçirməli olur. Kral Şirürəkli Riçardın həlak olmasından sonra hakimiyyəti hiyləgər şahzadə Con ələ keçirməyə çalışır.

Con Robin Qudu zindana atır və taxtın qanuni varisi şahzadə Filippin qətlinə fərman verir. Lakin Qvin oğlan cildinə girərək Filippi xilas edir və onunla təhlükəli bir yola çıxır. Onlar atasını əsirlikdən qurtarmaq və zalım düşmənin planlarını alt-üst etmək üçün gizlicə onun sarayına doğru irəliləyirlər.

ABŞ istehsalı olan «Robin Qudun qızı: Oğrular şahzadəsi» macəra filmi 2001-ci ildə nümayiş olunub. Piter Hyuitin rejissorluq etdiyi layihədə baş rolları Malkolm Makdauell, Stefan Yanku, Kristofer Uittinqem və Yulian Postelniku canlandırıblar.