Avqust Raş

Nyu-Yorkda baş tutan təsadüfi görüş irlandiyalı gitaraçı ilə zəngin ailədən olan amerikalı violonçel ifaçısını bir araya gətirir. Qəfil yaranan sevgi uzun sürmür və şərait gəncləri ayrılmağa məcbur edir. Onların dünyaya gələn körpəsi isə taleyin gərdişi ilə uşaqlar evinə düşür.

On iki il sonra fövqəladə musiqi istedadına sahib olan oğlan valideynlərini tapmaq qərarına gəlir. O inanır ki, çaldığı melodiyalar vasitəsilə ata və anası onu tanıya biləcək. Şəhər küçələrində sirli bir himayəçinin yanında ifa edən Avqust Raş doğmalarına qovuşmaq üçün bütün bacarığını işə salır.

2007-ci ildə ekranlara çıxan «Avqust Raş» musiqili dram filmi ABŞ və Cənubi Koreya kinematoqrafçılarının birgə işidir. Rejissoru Körsten Şeridan olan layihədə baş rolları Freddi Haymor, Keri Rassel, Conatan Riz Mayers və Robin Uilyams canlandırıb.