Yoko

On bir yaşlı qız Pia ağacdakı balaca evində qəribə və tüklü bir canlı ilə qarşılaşır. Bu sehrli qabiliyyətlərə sahib olan Himalay yetisi Yokodur. Acgöz ovçunun səbəbindən Almaniyaya gəlib çıxan bu sirli varlıq Pianın gündəlik həyatını tamam dəyişir.

Yeti ovçusu yerli zooparkın direktoru ilə sövdələşməyə girərək onu satmaq istəyir. Yeni dostunu təhlükədən qorumaq üçün Pia yoldaşı Lukasla birgə hərəkətə keçir. Onlar balaca yetini tutulmaqdan xilas etmək üçün əllərindən gələni edirlər.

«Yoko» adlı macəra filmi 2012-ci ildə Almaniya, İsveç və Avstriya kinematoqrafçılarının birgə istehsalı ilə çəkilib. Ekran əsərinin rejissoru Franziska Buchdur, əsas rolları isə Filipp Rafferti, Erich Ludwig, Therese Underberg və Hoang Dang-Vu canlandırıb.