Evimizdə qarabasma var!

Baş qəhrəman Ernest Boqnayn adlı aktyora bənzəyən zərərsiz bir ruhla qarşılaşır və onunla ünsiyyət qurmağa başlayır. Qəribə tanışlıq tezliklə dostluğa çevrilir və kişi bu sirri gizlətməmək qərarına gəlir.

O, qeyri-adi varlıqla olan münasibəti barədə internetdə məlumat paylaşır. Nəticədə şəbəkə istifadəçilərinin böyük marağı sayəsində həm özü, həm də evdəki kabus qısa müddətdə virtual məşhura çevrilirlər.

«We Have a Ghost» adlı ABŞ istehsalı olan bu ailəvi komediya filmini rejissor Kristofer Lendon çəkib. 2023-cü ildə təqdim olunan layihənin aktyor heyətində Mayk Meyholl, Tom Bauer və Nikolas İ. Parsons yer alıb.