Munakrın sirri

Atasının vəfatından sonra kimsəsiz qalan on üç yaşlı Mariya Londonu tərk etmək məcburiyyətində qalır. O, varlığından xəbərsiz olduğu qəribə əmisi ser Bencaminin sirli malikanəsinə, «Ay Vadisi» adlanan məkana yollanır. Qızcığaz burada qədim nifrətin və De Nuar nəsli ilə düşmənçiliyin parçaladığı yeni bir mühitlə üzləşir.

Mariya özünün sonuncu Ay Şahzadəsi olduğunu öyrənir. Ay beş mininci dəfə doğana və dəniz bütün vadini udana qədər o, keçmişin qaranlıq sirlərini üzə çıxarmalıdır. Əraziyə təhlükə saçan bu fəlakətin qarşısını almaq üçün ailəvi təkəbbürü kənara qoymaq tələb olunur.

«Munakrın sirri» (The Secret of Moonacre) macəra filmi rejissor Qabor Çupo tərəfindən 2008-ci ildə lentə alınıb. ABŞ, Böyük Britaniya, Fransa, Yeni Zelandiya, Macarıstan və Avstraliyanın birgə istehsalı olan bu ekran əsərində baş rolları Dakota Blü Riçards, Nataşa Makelhon, Culiyet Stivenson və Ferents Vizeş canlandırıb.