Lonqvud əfsanəsi

On iki yaşlı Mikki Miller səs-küylü Nyu-Yorku tərk edərək İrlandiyanın sakit bir kəndinə köçməli olur. İlk vaxtlar bu balaca qəsəbə qızın heç xoşuna gəlmir və o, yad mühitə öyrəşməkdə çətinlik çəkir.

Lakin zaman keçdikcə Mikki bu yerlərin qəribə sirlərlə dolu olduğunu anlayır. Məlum olur ki, Lonqvud kəndinin üzərində qədim bir lənət var və bu sirli tilsimi yalnız Mikki qıra bilər.

"The Legend of Longwood" adlı ailəvi macəra filmini rejissor Liza Malkahi lentə alıb. İrlandiya, Almaniya və Niderlandın birgə istehsalı olan bu ekran əsəri 2014-cü ildə təqdim edilib. Əsas obrazları Dillon Potter, Keti Rouz O’Brayen və Art Kerns canlandırıblar.