Bitməyən hekayə

On yaşlı Bastian məktəbli xuliqanlardan qaçaraq köhnə bir kitab dükanına sığınır. Burada o, üzəri qəribə naxışlarla bəzədilmiş sirli bir kitaba rast gəlir. Həmin kitabı oxumağa başlayan oğlan özünü qaçan ilbizlərin, uçan köpəklərin, bəxt əjdahasının və Nəhəng Qadaşıyanın yaşadığı Fantaziya adlı sehrli ölkənin hadisələri içində tapır.

Lakin nağılvari diyar və onun gənc hökmdarı böyük təhlükə ilə üz-üzə qalır. İnsanların puç olmuş xəyallarından yaranan Puçluq adlı qüvvə bütün ölkəni məhv etməyə başlayır. Fantaziyanı xilas etmək isə yalnız gənc döyüşçü Atreyu və kitaba dalmış Bastianın təxəyyülündən asılıdır.

«Die unendliche Geschichte» filmi 1984-cü ildə rejissor Volfqanq Petersen tərəfindən çəkilib. ABŞ və Almaniya istehsalı olan bu macəra lenti məşhur franşizanın ilk filmidir. Əsas obrazları Barret Oliver, Cerald Makreyni, Dram Qarret və Derril Kuxi canlandırıblar.