Fantastik səyahət

Əlaçı məktəbli Mildredin həyatı illərdir görmədiyi sehrbaz atasının peyda olması ilə dəyişir. Qız illüziyalara maraq göstərmir, daha çox vəhşi təbiəti öyrənməyə can atır. Qızı ilə bağ yaratmaq istəyən ata ona birlikdə təbiət qoynuna yollanmağı təklif edir.

«Bookworm» filminin qəhrəmanları nəsli kəsilməkdə olan nadir panteranı axtarmaq üçün çöl şəraitində yürüşə çıxırlar. Bu çətin marşrut boyu ata və qız bir-birini daha yaxından tanımağa, qarşılaşdıqları maneələri birlikdə dəf edərək səmimi dost olmağa çalışırlar.

2024-cü il istehsalı olan bu komediya və dram elementli macəra filmini rejissor Ant Timpson ərsəyə gətirib. ABŞ və Yeni Zelandiya birgə layihəsində əsas rolları Elayca Vud, Morqana O’Reyli, Nikki Siulepa və Millen Beyrd canlandırıb.