Hui Buh und das Hexenschloss

Bubux adlı xəyal düz beş yüz ildir ki, qəsrdə yaşayan insanları qorxutmağa çalışır. Ətrafdakılar onun bu uğursuz cəhdlərinə ancaq gülümsəsələr də, qəhrəman ruhdan düşmür. Günlərin bir günü qalanın qapısına özünü Bubuxun qardaşı qızı kimi təqdim edən gənc bir qız gəlir.

Qız tək gəlmir, yanında güclü bir sehr kitabı gətirir və anasının şər ifritə Erlanın əsirliyində olduğunu bildirir. Kitabın qüdrətini anlayan ruh və qəsr kralı Yulius qadını xilas etmək qərarına gəlirlər. Beləliklə, üçlük ifritənin məskunlaşdığı təhlükəli meşəyə tərəf yola düşür.

«Hui Buh und das Hexenschloss» ailəvi macəra filmi rejissor Sebastyan Niman tərəfindən lentə alınıb. Almaniya istehsalı olan bu komediya 2022-ci ildə işıq üzü görüb. Ekran əsərində baş rolları Mixael Herbiq, Manu Lyubovski, Rik Kavanyan və Roman Mrazik canlandırıblar.