Gözəl və bədheybət

Meyxanaçı Huqo səfərdən qayıdarkən gecələmək üçün tərk edilmiş qəsrdə qalmaq qərarına gəlir. Səhər oranı tərk edəndə qızı Elza üçün qırmızı qızılgül qoparır. Bu hərəkət insanlardan uzaq yaşayan qəsr sahibini bərk qəzəbləndirir.

Həmin bədheybət meyxanaçının qarşısına ağır tələb qoyur: Huqo yoluna çıxacaq ilk canlı məxluqu qəsrə gətirməlidir, əks halda onu ölüm gözləyir. Ata qapıda iti ilə qarşılaşacağına ümid etsə də, onu sevimli qızı qarşılayır. Çarəsiz qalan ata Elzanı təhlükəli varlığın yanına göndərmək məcburiyyətində qalır.

«Die Schöne und das Biest» adlı ailəvi fentezi filmi 2012-ci ildə Almaniya və Avstriya kinematoqrafçıları tərəfindən çəkilib. Ekran əsərinin quruluşçu rejissoru Mark-Andreas Boçertdir. Əsas rollarda Maksimilian Simonişek, Nadina Vrits, Kristof Letkovski və Stanislav Satko çəkiliblər.