Tom və Cerri

Nüfuzlu otellərdən birində təmtəraqlı və bahalı toy mərasiminə hazırlıq görülür. Hər kəs işlə məşğul olduğu vaxt otelin Kayla adlı əməkdaşı binada yuva salmış siçan Cerrini görür. Balaca qonağın mövcudluğu böyük tədbirin gedişatına ciddi təhlükə yaradır.

Kayla narahatlıq doğuran bu vəziyyətdən çıxış yolu tapmaq üçün küçə pişiyi Tomu işə götürür. Lakin hiyləgər gəmiricini oteldən çıxarmaq qızın düşündüyü qədər asan olmur və köhnə düşmənlər yenidən üz-üzə gəlirlər.

2021-ci il istehsalı olan bu komediya və ailə macərası filminin rejissoru Tim Storidir. Amerika Birləşmiş Ştatlarında çəkilən «Tom and Jerry» filmində baş rolları Utkarş Ambudkar, Somi Quha, Kolin Jost və Co Boun canlandırıb.