Saatçının köməkçisi

Yeni doğulmuş Urban adlı körpənin taleyi mübahisə mövzusuna çevrilir. İki mələk oğlana firavan və şad gələcək vəd etsə də, qəddar ifritə onun bədbəxt olacağını deyir. Xeyirxah himayədarlar uşağı qorumaq qərarına gəlirlər və Urban böyüdükdən sonra xəsis və paxıl bir saat ustasının yanında şagirdlik etməyə başlayır.

İllər keçdikcə gənc oğlan ustanın qızı Lauraya aşiq olur və onlar evlənməyə hazırlaşırlar. Lakin toy ərəfəsində usta gələcək kürəkənini sahibini qəfil ölümdən qoruyan əfsanəvi saatı tapmağa göndərir. Əslində ifritə oğlanın toy günü öləcəyini xəbər verib və indi təhlükəli axtarışlar zamanı qoruyucu mələklər yenidən cadugərin hiylələri ilə mübarizə aparırlar.

«Saatçının köməkçisi» filminin quruluşçu rejissoru Yitka Rudolfovadır. Çexiya və Slovakiya istehsalı olan bu ailəvi nağıl ekranlara 2019-cu ildə çıxıb. Əsas rolları Zdenek Peçaçek, Liza Mazurkova, Pupa Mazurkova və Nina Rudolfova canlandırıblar.