Karmel

On altı yaşlı yeniyetmə təsadüf nəticəsində Kaliforniyanın məşhur Karmel şəhərinə gəlib çıxır. Burada o, yerli şübhəli adamlarla əlaqə qurmağa başlayır. Tezliklə bu təhlükəli mühit gənci incəsənət əsərlərinin saxtalaşdırılması ilə bağlı qanunsuz işlərə cəlb edir.

Bununla belə, şəhərdə onun həyatını dəyişən xoş hadisələr də baş verir. Oğlan Karmeldə yaşayan yaşlı bir qadın rəssamla dostlaşır. Həmin sənətkar qadın Karmelin hələ yeni-yeni rəssamlar, yazıçılar və aktyorların toplaşdığı mərkəzə çevrildiyi dövrləri yaxşı xatırlayır.

«Karmel» (The Forger) adlı bu dram filminin rejissoru Lourens Rökdür. Əsas obrazları Ralf Peduto, Skott İstvud, Mayls Uilyams və Robert Harvi canlandırıblar. ABŞ istehsalı olan ekran işi 2012-ci ildə nümayiş olunub.