Sirli bağ

Hindistandakı zəlzələ zamanı valideynlərini itirən Meri yetim qalır. Qızcığazı qohumu olan əmisinin yanına, İngiltərədəki Yorkşir mülkünə göndərirlər. Lakin on il əvvəl vəfat etmiş sevimli arvadının dərdi ilə yaşayan əmi kimsəsiz qıza qayğı göstərmək həvəsində deyil və ondan uzaq durur.

Böyük malikanənin ətrafını gəzən Meri təsadüfən tərk edilmiş, hamıdan gizli saxlanılan bir bağ tapır. Bu yaşıl məkan kədərli qız üçün kənar dünyadan qorunmaq və təklik tapmaq baxımından əsl sığınacağa çevrilir.

1993-cü ildə çəkilmiş «Sirli bağ» (The Secret Garden) ABŞ istehsalı olan ailəvi dram və fentezi filmidir. Rejissoru Aqneşka Holland olan ekran əsərində baş rolları Keyt Meyberli, Heydon Praus, Endrü Nott və Meqqi Smit canlandırıb.