Mister Pinqvinin məktəbi

Okean sahilində gəzintiyə çıxan ingilis dili müəllimi Tom sahildə zəif düşmüş kiçik bir pinqvinlə qarşılaşır. Çirkləndirici mazuta və yosunlara bürünmüş quş güclə nəfəs alır. Tom onu təmizləyərək xilas edir və yenidən sərbəst buraxmaq istəyir. Lakin quş öz xilaskarından ayrılmaq niyyətində deyil.

Balaca pinqvin hər yerdə müəllimin arxasınca düşür və nəhayət onun dərs keçdiyi sinif otağına daxil olur. Londondan mübadilə yolu ilə gəldiyi deyilən bu qeyri-adi qonaq Tomla birlikdə şıltaq uşaqlara dil qaydalarını və qayğıkeşliyi aşılayır. Tədricən şagirdlərin dərslərə marağı və qiymətləri yüksəlir, bu qeyri-adi müəllimin fəaliyyəti isə qısa zamanda bütün ətrafda yayılır.

2024-cü il istehsalı olan «The Penguin Lessons» ailəvi dram filminin rejissoru Piter Kattaneodur. ABŞ, Böyük Britaniya və İspaniya kinematoqrafçılarının birgə ərsəyə gətirdiyi ekran əsərində baş rolları Stiv Kuqan, Vivian El Haber, Byörn Qustafsson və David Errero canlandırır.