Müalicəvi su haqqında

İnsanlar aləmi ilə suyun dərinliklərində gizlənən aləm yanaşı mövcuddur. İnsanlar diyarına yenidən ailə qurmağa hazırlaşan dul kral Qeorq rəhbərlik edir, gözəgörünməz su səltənətini isə kraliçası və köməkçiləri idarə edir. Günlərin birində Qeorqun qızı Hanna ağır xəstələnir və saray çətin günlər keçirir.

Şahzadənin xilası üçün su kraliçası krala bütün dərdlərə çarə olan müqəddəs su bağışlayır. Lakin bu hədiyyənin mühüm şərti var: sağaldıcı damcılar xəsis və hiyləgər əllərə keçərsə, sehr birdəfəlik yox olacaq. Kralın yeni həyat yoldaşının hərisliyi isə bütün bu razılaşmanı təhlükə altına qoyur.

«Müalicəvi su haqqında» («O liecivej vode») filmi rejissor Yan Sebehlebski tərəfindən 2020-ci ildə çəkilib. Çexiya və Slovakiya istehsalı olan bu ailəvi nağılda baş rolları Olqa Solarova, Yana Sedlaçkova və Yuray Kemka canlandırıb.