Zirvəyə doğru

Derrik Uilyams və Maykl Harris təkbaşına həyata keçirdikləri yürüşlərlə tanınan dağçılardır. Hər iki idmançının ən böyük arzusu Cənubi Amerika And dağlarının ən təhlükəli zirvələrindən biri olan Çikanaqanı fəth etməkdir. Lakin onlar bir-birinə nifrət edirlər, çünki çılğın və coşğulu Derriklə təmkinli, ehtiyatlı Mayklın baxışları heç bir mövzuda üst-üstə düşmür.

Ekspedisiyanı maliyyələşdirməyə razı olan nüfuzlu iş adamı Meki Leonard isə tək bir şərt irəli sürür: onlar bu təhlükəli yola mütləq birgə çıxmalıdırlar. Sponsorun mətbuatda başlatdığı səs-küylü reklam kampaniyası Derriki sevindirsə də, Mayklı ciddi şəkildə narahat edir. Birgə hazırlıq mərhələsi aralarındakı münasibəti düzəltməsə də, Çili Andlarının sərt reallığı qarşısında fikir ayrılıqlarını kənara qoymaq lazım gəlir.

2002-ci ildə ABŞ-da istehsal olunmuş «The Climb» macəra filminin rejissoru Con Şmiddir. Əsas rollarda Kannika Koli, Terri Vud, Toni L. Kellouey və Todd Brices çıxış ediblər.