Espen Trollar Krallığında

Espen atası və qardaşları ilə birlikdə kənd təsərrüfatı ilə məşğul olaraq fermada yaşayır. Gəncin diqqətsizliyi və hədsiz xəyalpərəstliyi ailənin evinin yanaraq kül olmasına səbəb olur. Həmin ərəfədə məlum olur ki, onun meşədə rastlaşdığı qız saraydan qaçmış şahzadədir və onu tapan şəxsə böyük mükafat vəd edilib.

Evi bərpa etmək üçün vəsaitə ehtiyacı olan qardaşlar şahzadəni axtarmaq üçün yola çıxırlar. Qədim əfsanəyə görə, əgər şahzadə 18 yaşına qədər ərə getməzsə, Dağ Kralı adlı nəhəng troll oyanır və qızı əsir alır. Eyni zamanda tamahkar bir şahzadə də öz şəxsi maraqları xatirinə qızın izinə düşərək onunla evlənməyə çalışır.

«Askeladden: I Dovregubbens hall» adlı macəra filmi 2017-ci ildə Norveç, Çexiya və İrlandiyanın birgə istehsalı ilə ərsəyə gətirilib. Ekran əsərinin quruluşçu rejissoru Mikkel Brenne Sandemusedir, baş rolları isə Elias Holmen, Artur Berning, Qard B. Eydsvold və Ellan Hayd canlandırıblar.