Miyav

Kosmik pişik bəşəriyyəti özünə tabe etmək məqsədilə Yer kürəsinə qədəm qoyur. Lakin planetin havası və ya cazibə qüvvəsi onun bütün planlarını alt-üst edir. Nəticədə qorxunc yadplanetli agent insan boyda, yekəqarın və kürən bir pişiyə çevrilir.

Bir ailənin içinə düşən bu qəribə qonaq onların gündəlik həyatına uyğunlaşmağa çalışır. Çox keçmir ki, o, gözlənilməz bir həqiqəti anlayır: sən demə, adi ev pişikləri insanları çoxdan özlərinə tabe ediblərmiş.

2017-ci ildə Honq-Konqda çəkilmiş «Meu sing yan» («Miyav») ailəvi fantastika və komediya janrındadır. Filmin rejissoru Benni Çan, baş rol ifaçıları isə Çen Tsin, Pui-Do Hui, Jacky Hang-Shing Lo və King-Sing Lodur.