Yolki loxmatıye

Samaralı balaca qız Nastya nənəsi ilə birlikdə Sankt-Peterburqa yola düşür. Öz sevimli itləri Pirat və Yoko isə bu müddət ərzində heyvanlar üçün nəzərdə tutulmuş xüsusi oteldə qalmalı olur. Sahibələrinin bu addımını xəyanət kimi qəbul edən dördayaqlılar mehmanxanadan qaçaraq doğma evlərinə qayıdırlar. Onlar boş mənzildə doyunca yemək yeyir, yataqda yatır və tam sərbəst vaxt keçirirlər.

İtlərin kefini mənzilə göz dikən iki bəxtsiz oğru pozur. Onlar evdə heç kimin olmadığını zənn edib içəri girsələr də, Pirat və Yokonun qurduğu gözlənilməz tələlərlə üzləşməli olurlar.

«Yolki loxmatıye» adlı ailəvi komediya filmi 2014-cü ildə Rusiyada rejissor Maksim Sveşnikov tərəfindən çəkilib. Layihədə əsas rolları Anya Çipovskaya, Aleksey Simonov, Aleksandr Karpuxov və Andrey Mokeyev canlandırıblar.