Bir qış həftəsonu

Yeni il gecəsi sevgilisinin xəyanəti ilə qarşılaşan Kara şəxsi həyatına fasilə vermək qərarına gəlir. O, qadın jurnalında münasibətlər mövzusunda məqalələr yazsa da, bir müddət tanışlıqlardan uzaq durmaq istəyir. Fikrini yayındırmaq və xəfiyyə romanı yazmaq üçün rəfiqəsi ilə birlikdə xizək kurortuna yollanır.

Lakin istirahət məkanına çatanda gözlənilməz vəziyyət yaranır. Məlum olur ki, kirayələdikləri dağ evinin yalnız yarısı bron edilib və onlar qaldıqları yeri iki yaraşıqlı gənclə bölüşməli olurlar.

"One Winter Weekend" filmi 2018-ci ildə ABŞ və Kanadada istehsal olunub. Rejissor Qari Yetsin çəkdiyi bu melodramda əsas rolları Dyüşeyn Uilyams, Cek Törner, Bi Santos və Rukiya Bernard canlandırıblar.