Şaxta Baba. Sehrbazların döyüşü

Gənc Maşanı qanadlı odlu bədheybətlərlə bağlı qəribə görüntülər narahat edir. Sinif yoldaşları onun bu halına gülür, anası isə qızına görə bərk həyəcan keçirir. Bir gün Moskvanın mərkəzində Maşa həmin kabusların gerçək olduğunu görür. Qanadlı varlıqlar özlərini sehrbaz adlandıran gənclərlə döyüşür və onlardan biri Maşanı yırtıcı bədheybətdən qoruyur.

Qız gizli təşkilatın mərkəzinə aparılır və burada Şaxta Babanın gerçəkdən var olduğunu öyrənir. Qış sehrbazı buz və qarı idarə edən sehrbazlar ordusuna başçılıq edərək Yer üzünü qaranlıq qüvvələrdən qoruyur. Məlum olur ki, Yeni il şənliyi insanların xəbərsiz qatıldığı böyük xeyir və şər mübarizəsinin rituallarıdır. Şaxta Baba Maşaya dünyanın taleyinin təhlükədə olduğunu və qələbənin birbaşa ondan asılı olduğunu bildirir.

Rusiyada çəkilən «Şaxta Baba. Sehrbazların döyüşü» («Дед Мороз. Битва Магов») filmi 2016-cı ildə təqdim olunub. Layihənin rejissoru Aleksandr Voytinskiydir. Əsas rolları Liparit Ambartsumyan, Oleq Volku, Vladimir Qostyuxin və Filipp Qorenşteyn canlandırıblar.