Santaya çatmaq

Ata və oğul öz qarajlarında gizlənən əsl Şaxta babanı aşkar edirlər. Uğursuz uçuş nəticəsində qəzaya uğrayan sehrli qoca nəqliyyatsız qalıb və indi polislərdən qaçmağa məcburdur.

Milad bayramının baş tutması üçün bu ailə çətin bir işin öhdəsindən gəlməlidir. Onlar itmiş şimal maralı Rudolfu axtarmalı, uzaq Laplandiyaya yollanmalı, elflərlə dil tapmalı və ən əsası, qanun keşikçilərinin həbs etdiyi Santanı dəmir barmaqlıqlar arxasından qurtarmalıdırlar.

«Get Santa» adlı ailəvi fentezi komediyasını 2014-cü ildə rejissor Kristofer Smit ərsəyə gətirib. Böyük Britaniya, ABŞ, Polşa və İsveçin birgə istehsalı olan bu filmdə baş rolları Elisdeyr Simpson, Codi Uittaker, Qrem Hyuz və Nil Eşton canlandırıb.