İcarəyə uşaq

Uşaq evinin rəhbəri Şükranlıq günü ərəfəsində istirahətə yollanmağa hazırlaşır. Müəssisəyə nəzarət etmək üçün o, öz atasından müvəqqəti olaraq onun yerinə keçməyi xahiş edir. Həmin şəxs isə adi həyatda işlənmiş əşyaların icarəsi ilə məşğul olan kiçik bir firmanın sahibidir.

Özünü qəflətən yetimxana müdiri rolunda tapan təşəbbüskar biznesmen burada da tanış üsullarla pul qazanmağın yolunu axtarır. «Rent-a-Kid» ailəvi filmində yeni rəhbər qeyri-adi bir plan quraraq oradakı uşaqları müvəqqəti icarəyə vermək qərarına gəlir.

ABŞ və Kanada istehsalı olan bu komediya ekranlara 1995-ci ildə çıxıb. Rejissor Fred Qerberin çəkdiyi filmdə baş rolları Viktoriya Mitçell, Bill Fişer, Lenor Zann və kiçik Uolter Alza canlandırıblar.