Cunqli Corc 2

Afrika meşələrinin qeyri-rəsmi sahibi Corc hələ də lianlarda yellənərkən ağaclara çırpılmaq xasiyyətindən əl çəkməyib. O, vəhşi heyvanlarla yanaşı yaşayır və zəkasına görə qorillalardan çox da fərqlənməsə də, öz mühitində olduqca rahatdır.

Lakin birdən-birə baş verən hadisələr Corcu sevimli təbiət qoynunu tərk etməyə məcbur edir. Danışan meymun Eyp Las-Veqas kazinolarında böyük borca düşüb, qayınana qızı ilə nəvəsini sivilizasiyaya qaytarmağa çalışır, meşədəki şir isə onun taxtına göz dikib. Baş qəhrəman bu problemlərin hamısını eyni vaxtda yoluna qoymalıdır.

«George of the Jungle 2» macəra filmi rejissor Devid Qrossman tərəfindən çəkilib. ABŞ və Avstraliyanın birgə istehsalı olan bu ailəvi komediya 2003-cü ildə işıq üzü görüb.