Ev dustaqlığı

Bacı və qardaş valideynlərinin boşanmaq qərarına gəldiyini öyrənirlər. Ailənin dağılmasını istəməyən uşaqlar sinif yoldaşlarının ağlına uyaraq böyükləri zirzəmiyə salır və qapını bağlayırlar. Onların şərtinə görə, ata və ana bütün narazılıqlarını həll etməyincə bayıra çıxa bilməyəcəklər.

Bu hadisədən tezliklə digər məktəblilər də xəbər tutur. Ailələrində problemlər olan başqa yeniyetmələr də öz valideynlərini həmin zirzəmiyə gətirirlər. Çox keçmədən taxta qapı möhkəm polad barmaqlıqla əvəzlənir və böyüklər məcburi şəkildə ortaq dil tapmalı olurlar.

ABŞ istehsalı olan «House Arrest» ailəvi komediyası 1996-cı ildə rejissor Harri Vayner tərəfindən çəkilib. Filmdə əsas rolları Kerolayn Aaron, Bobbi Sussman, K. Todd Friman və Rey Uolston canlandırıblar.