Because of Winn-Dixie

Tənha bir qız supermarketdə rastlaşdığı sahibsiz iti evinə gətirmək qərarına gəlir. Tapıldığı mağazanın şərəfinə Uinn-Diksi adlandırılan bu dördayaqlı dost uşağın həyatını büsbütün dəyişir.

İtin evə gəlişi ata ilə qızı arasındakı münasibətləri qaydasına salmağa və onları bir-birinə yaxınlaşdırmağa kömək edir. Eyni zamanda mehriban köpək balaca şəhərcik sakinlərinin də bir-biri ilə ünsiyyət qurmasına və aralarındakı münasibətlərin istiləşməsinə səbəb olur.

ABŞ istehsalı olan «Because of Winn-Dixie» filmi Keyt DiKamillonun məşhur əsəri əsasında 2005-ci ildə çəkilib. Rejissor Ueyn Vanın ekranlaşdırdığı bu dram və komediya janrlı ailə filmində Con MakKonnell, Eva Mari Seynt, Bekka Liş və Harland Uilyams rol alıblar.