Kömək edin, mən valideynlərimi kiçiltdim!

Məktəbli Feliks gözlənilməz bir problemlə üzləşir: nifrət edilən sabiq direktor Hulda Ştexbartla qısa görüşdən sonra onun valideynləri karandaş boyda qalır. Ana və ata artıq oğullarının ovcuna sığacaq qədər kiçilib. Baş verənlərdən sonra Feliks bütün məsuliyyəti öz üzərinə götürməli və böyüklərin qayğısına qalmalı olur.

Yeniyetmə dostları ilə birlikdə valideynlərini əvvəlki ölçülərinə qaytarmaq üçün plan hazırlayır. Uşaqlar eyni zamanda məktəbin əsl direktoru xanım Şmitt-Gössenvayna kömək etməli və Hulda Ştexbartın məktəbdə hakimiyyəti ələ keçirməsinin qarşısını almalıdırlar.

«Hilfe, ich hab meine Eltern geschrumpft» macəra komediyası rejissor Tim Tragezer tərəfindən lentə alınıb. Almaniya və Avstriyanın birgə istehsalı olan bu film 2018-ci ildə işıq üzü görüb. Əsas rolları Oskar Keymer, Lina Hüsker, Anya Klinq və Aksel Ştayn canlandırıb.