Babam və mən

Şəhərdə böyüyən balaca Anton üçün kənd həyatı tamamilə yad və naməlum bir mühitdir. Günlərin birində valideynləri tətil günlərini keçirməsi üçün onu kənddə tək yaşayan babasının yanına göndərirlər.

İki fərqli nəslin nümayəndələri arasında ilk vaxtlar narazılıqlar, davamlı mübahisələr və anlaşılmazlıqlar yaranır. Lakin babanın həyatını təhlükə altına qoyan gözlənilməz hadisə onların bir-birinə münasibətini büsbütün dəyişir.

2014-cü ildə çəkilmiş Rusiya istehsalı olan bu ailəvi dram filminin rejissoru Aleksandr Kulyamindir. Baş rolları Yuri Nazarov, Timofey Razuvaev, Aleksey Tixonov və Yekaterina Albrandt canlandırıblar.