Herbie Rides Again

Nüfuzlu və varlı cənab Hokk şəhərdə hündürmərtəbəli binalar ucaltmaq üçün köhnə tikililəri acımasızcasına sökür. Yerli sakinlər ondan qorxduqları üçün bu özbaşınalığa qarşı çıxa bilmirlər. Yalnız gəncliyinin xatirələri ilə dolu evində ömür sürən yaşlı xanım Ştaymets heç bir pul qarşılığında oradan köçməyə razılıq vermir.

Evini qorumaq uğrunda mübarizədə qadına onunla birgə qalan Nikol və Herbi adlı canlı avtomobil dəstək olur. Hokk inadkar qadını yola gətirmək üçün öz qardaşı oğlunu göndərsə də, gənc oğlan əmisinin haqsız üsullarını bəyənmir. O, xanım Ştaymetsin tərəfinə keçərək Nikol və sehrli maşınla birlikdə zəngin sahibkara qarşı durur.

1974-cü ildə ekranlara çıxan «Herbie Rides Again» filminin rejissoru Robert Stivensondur. ABŞ istehsalı olan bu komediyada baş rolları Helen Heyes, Ken Berri, Stefani Pauers və Con Makİntayr canlandırıb.