Snoubordinq kralı

Xokkey meydançasında və skeytbordda məharət göstərən istedadlı şimpanze Cek səhv təyyarəyə minərək günəşli Meksika əvəzinə Koloradoya gəlib çıxır. Qarlı Qayalı dağlara düşən meymun burada gənc idmançı Pit ilə rastlaşır.

İki dost birlikdə snoubord sürməyi öyrənir və Cek tezliklə bu qış idman növündə böyük uğurlar qazanır. Mətbuat qeyri-adi şimpanzedən yazmağa başlayanda xəbərlər iki fırıldaqçının diqqətini çəkir və onlar Ceki qaçırmağı planlaşdırırlar. Cinayətkarların bu planı yaxınlaşan snoubordinq çempionatında dostların çıxışını təhlükə altına qoyur.

«MXP: Most Xtreme Primate» ailəvi idman komediyası 2002-ci ildə Kanadada rejissor Robert Vins tərəfindən lentə alınıb. Filmdə əsas rolları Devin Duqlas Dryuits, Trevor Rayt, Robbi Benson və Yen Beyq canlandırıblar.