Fransın yeni əhvalatları

On yaşlı Frans və onun yaxın dostları Qabi ilə Eberhard üçün çoxdan gözlənilən yay tətili başlayır. Uşaqlar əylənmək və çimmək əvəzinə gözlənilməz problemlə üzləşirlər: Qabi ilə Eber möhkəm dalaşır və bir-birləri ilə danışmaqdan imtina edirlər. Frans isə dostlarını barışdırmaq üçün hər yola əl atır.

Qabinin detektiv işlərə böyük marağı olduğunu və bütün Vyana şəhərini qorxuya salan oğrunun izinə düşmək istədiyini bilən Frans vəziyyətdən çıxış yolu tapır. O, qonşusu frau Bergerin qəribə hərəkətlərini bəhanə edərək uşaqları onun izinə salır. Balaca təhqiqatçılar qadını addım-addım izləməyə və onun guya törətdiyi cinayətlərə dair sübutlar toplamağa başlayırlar.

«Neue Geschichten vom Franz» adlı ailəvi macəra filminin rejissoru Yohannes Şmiddir. 2023-cü il istehsalı olan bu Almaniya və Avstriya layihəsində baş rolları Yossi Yançiç, Nora Raydinger, Leo Vaxa və Mariya Bill canlandırıb.