Milad hekayəsi

Ebenezer Skruc bütün diqqətini var-dövlət toplamağa yönəltmiş qoca və acgöz bir adamdır. Yeganə qohumu olan qardaşı oğlu Freddən imtina edən, dostu olmayan Skruc ətrafındakılara xor baxır. Milad günlərini vaxt və pul itkisi saydığı üçün bayramlardan nifrət edir, işçisi Bob Kretçitə isə tətil verməkdən belə narazı qalır.

Milad ərəfəsində Skrucun evinə keçmiş şəriki Ceykob Marlinin ruhu gəlir və onu həyat tərzini dəyişməyə çağırır. Marli ona qarşıda üç Ruhun gələcəyini və bu qonaqların hər şeyi öz gerçək simasında göstərəcəyini xəbər verir. Bu qeyri-adi görüşlər və keçmişlə gələcəyə səyahətlər inadkar qocanın düşüncələrinə dərindən təsir edir.

«A Christmas Carol» filmini rejissor Klayv Donner çəkib. Baş qəhrəmanı Corc K. Skott canlandırıb, layihədə Frenk Finley, Ancela Plezens və Edvard Vudvord da rol alıb. ABŞ və Böyük Britaniyanın birgə istehsalı olan bu dram və fentezi ekran əsəri 1984-cü ildə təqdim edilib.