Super Machi

Gənc musiqiçi Radcu günlərini dostları ilə keçirir və barlarda mahnı oxuyaraq az miqdarda pul qazanır. Gözlənilmədən onun qarşısına İT sahəsində çalışan varlı və uğurlu Minakşi çıxır. Qız heç bir səbəb olmadan Radcuya vurulur, onu addım-addım izləməyə başlayır və hamıya sevgili olduqlarını söyləyir. Gənc oğlan isə bu qadını həyatında ilk dəfə gördüyünü bildirərək ondan qurtulmağa çalışır.

Vəziyyət Minakşinin atdığı gözlənilməz addımdan sonra daha da dolaşıq xarakter alır. Məlum olur ki, israrlı qız Radcudan xəbərsiz onların rəsmi nikahını qeydiyyatdan keçirib. Musiqiçi bu qəribə tələdən necə çıxacağını və qızın bu addımı hansı səbəbdən atdığını aydınlaşdırmalı olur.

«Super Machi» filmi 2022-ci ildə Hindistanda istehsal olunub və rejissoru Puli Vasudur. Əsas rolları Kalyaan Dhev, Mahesh Achanta, Ajay və Ananth canlandırıb.