Camun

Həyat yoldaşını itirmiş yaşlı Camun Prasad yetkin övladları — oğlu Amar və qızı Çetna ilə birgə yaşayır. Atanın ən böyük arzusu qızını ərə verməkdir. Lakin elçilər və onların ailələri anadangəlmə çəpgözlüyünə görə qıza hər dəfə rədd cavabı verirlər.

Evdəki vəziyyəti maddi çətinliklər və işsiz oğlu ilə bitmək bilməyən mübahisələr daha da gərginləşdirir. Qızına bəxt axtarışları nəticəsiz qaldığı bir vaxtda Camunun özünə Parkinson xəstəliyi diaqnozu qoyulur. Beləliklə, ailə növbəti ağır sınaqlarla üz-üzə qalır.

«Jamun» adlı ailəvi hind dram filminin rejissoru Gaurav Mehradır. Ekran əsəri 2021-ci ildə işıq üzü görüb. Baş rolları Raqhuvir Yadav, Şveta Prasad, Sanni Xinduca və Saurabx Qoyal canlandırıblar.