34-cü küçədə möcüzə

Milad ərəfəsində böyük mağazanın təşkil etdiyi paradda Şaxta baba rolunu oynayacaq aktyor sərxoş vəziyyətdə tapılır. Tədbirin təşkilatçısı Doris Uoker çıxış yolu tapmaq üçün yoldan keçən qoca Kris Krinqldən paradda Şaxta babanı əvəz etməsini xahiş edir. Tədbir böyük uğur qazanır və Kris mağazada rəsmi işə götürülür.

Lakin rəhbərlik ondan satılmayan köhnə oyuncaqları uşaqlara sırımağı tələb etdikdə Kris buna kəskin etiraz edir. O, balaca müştəriləri birbaşa rəqib mağazaya yönləndirərək böyük narazılıq yaradır. Üstəlik, Kris özünün həqiqi Şaxta baba olduğunu iddia edir. O, Dorisin şübhə ilə yanaşan balaca qızı Süzanın etibarını qazanmağa və qızcığazın anası ilə qonşu vəkil Fred Qeylini birləşdirmək istəyinə kömək etməyə çalışır.

ABŞ istehsalı olan «34-cü küçədə möcüzə» filmini 1947-ci ildə rejissor Corc Siton çəkmişdir. Ailəvi komediya-dram janrındakı ekran əsərində baş rolları Morin O’Hara, Con Peyn, Edmund Qvenn və Cin Lokhart ifa etmişdir.