Wai gong fang lin 38

Otuz səkkiz yaşlı tanınmış radioaparıcı canlı yayımda gənc bir dinləyici qızla söhbət edir. Həmin qız heç vaxt görmədiyi doğma atasını tapmaq arzusunda olduğunu, lakin bu addımı atmaqdan çəkindiyini bildirir. Aparıcı ona cəsarətli olmağı və tərəddüd etmədən axtarışa başlamağı məsləhət görür.

Efir bitdikdən bir müddət sonra kişinin qapısı döyülür. Məlum olur ki, radioda danışdığı həmin qız aparıcının öz doğma övladıdır. O, nəinki bir qızının varlığından, hətta artıq bir nəvəsinin də böyüdüyündən xəbərsizdir.

2016-cı ildə ekranlara çıxan «Wai gong fang lin 38» filmi Çin və Cənubi Koreya kinematoqrafçılarının birgə komediya layihəsidir. Ekran əsərinin rejissoru An Byon-qidir, əsas rolları isə Mişel Çen, Tun Davei, Lüy Yuntsun və Li Tszin canlandırıb.