Bibi — balaca cadugər

Noyştadt şəhərciyinin balaca sakini Bibi böyük cəsarət göstərir. O, yağış yağdırmaq sehri ilə yanğını söndürərək iki azyaşlı uşağı alovların arasından xilas edir. Qızın cadugər anası Barbara övladının uğuruna sevinir, baş sehrbaz Valpurqiya isə qaydalardan kənara çıxaraq Bibiyə sehr aləminin ən ali mükafatı olan Büllur Kürəni vaxtından əvvəl verməyi qərara alır.

Bu sehrli əşya gənc sehrbaza keçmişə və gələcəyə səyahət etmək imkanı verir, həmçinin onu həqiqi bir cadugərə çevirir. Lakin bu uğur qəddar ifritə Rabianın qısqanclığına səbəb olur. Həsəddən qəzəblənən Rabia nəyin bahasına olursa-olsun həmin xəzinəni qızcığazın əlindən almağa and içir.

2002-ci ildə Almaniyada çəkilən «Bibi — balaca cadugər» ailəvi fentezi filminin rejissoru Hermina Huntqeburtdur. Əsas obrazları Sidoni fon Kroziqk, Maksimilian Befort, Katya Riman və Korinna Harfux canlandırıb.