Terabitiyaya körpü

Beşinci sinif şagirdi Cess Aaron məktəbdə hamıdan sürətli qaçacağına tam əmin idi. Lakin yarış zamanı sinfə yeni gələn Lesli Börk gözlənilmədən hər kəsi qabaqlayaraq qalib gəlir. Bu uğursuzluq iki yeniyetmə arasında rəqabət və soyuqluq yarada bilərdi.

Buna baxmayaraq, Cess və Lesli qısa zamanda ortaq dil tapır və aralarında möhkəm dostluq yaranır. Meşə gəzintisi zamanı onlar gizli bir məkan kəşf edir və təxəyyülləri sayəsində oranı sehrli bir krallığa çevirirlər. Uşaqlar bu xəyali aləmin kralı və kraliçası olaraq birlikdə vaxt keçirirlər.

«Bridge to Terabithia» macəra və ailəvi dram janrlarını birləşdirən ABŞ istehsalı olan bir filmdir. 2006-cı ildə təqdim edilən ekran əsərinin rejissoru Qabor Çupo, baş rol ifaçıları isə Coş Hatçerson, Annasofiya Robb, Zoi Deşanel və Robert Patrikdir.