Pelikan

Həyat yoldaşının vəfatından sonra dərindən sarsılan ata cəmiyyətdən təcrid olunur və evdən çölə çıxmır. Yaşamaq həvəsini itirən kədərli kişi yeganə oğlu ilə də bütün əlaqələrini kəsir və ondan uzaqlaşır.

Bir gün balaca oğlan tənha qalmış pelikan balası tapır və onu bəsləyib böyütmək qərarına gəlir. Qanadlı dostuna göstərdiyi qayğı onların arasında səmimi bağ yaradır və bu qeyri-adi quş zamanla atanın yenidən həyata qayıtmasına, oğlu ilə münasibətlərini bərpa etməsinə səbəb olur.

Fransa və Yunanıstanın birgə istehsalı olan «Nicostratos le pélican» filmi 2011-ci ildə rejissor Olivye Orle tərəfindən ekranlaşdırılıb. Ekran əsərinin baş rollarında Emir Kusturitsa, Tibo Le Hellek, Ceyd-Rouz Parker və Fransua-Ksavye Demezon çəkiliblər.