Qurdlar

Sürixdə yaşayan Luana uşaq bağçasındakı yorucu işindən və monoton həyatından sıxılaraq təsəllini blek-metal musiqisində tapır. Əmisi oğlunun WLVS adlı qrupuna Polşadan gələn Viktor adlı yeni vokalçı qoşulur. Qız onun xarizmasından və ifasından dərhal təsirlənir.

Viktora yaxın olmaq istəyən Luana işini tərk edir və sosial media meneceri kimi qrupun qastrol səfərinə qoşulur. Səfər zamanı onların arasında romantik münasibət yaranır. Lakin çox keçmədən Luana sevdiyi gəncin təhlükəli sağ-radikal və ekstremist baxışlara sahib olduğunu sezməyə başlayır.

«Wolves» («Qurdlar») filmi 2025-ci ildə işıq üzü görüb. Ekran əsəri qeyri-rəsmi musiqi aləmində şəxsi münasibətlər və radikal ideologiyaların doğurduğu çətinlikləri təsvir edir.