Ein Münchner im Himmel - Der Tod ist erst der Anfang

Münhenli taksi sürücüsü və əyləncə düşkünü Lüdviq, yəni tanışlarının çağırdığı kimi Viqqerl, qəzaya düşərək həyatını itirir və o dünyaya düşür. Lakin cənnətdəki qaydalar inadkar bavariyalının zövqünə uyğun gəlmir: sevdiyi musiqi və içkilər əvəzinə onu arfa sədaları altında yoqa və soya yeməkləri qarşılayır. Üstəlik, mənfi karması səbəbindən ruhlar aləmindəki rahatlıq da pozulur.

Səma idarəçiləri onu səhvlərini düzəltmək və dirilər arasında qalmaq şansı ilə yenidən yer üzünə qaytarırlar. Doğma şəhərinə qayıdan Viqqerl başa düşür ki, adi insanlar üçün tamamilə görünməzdir. Onu eşidən və görən yeganə şəxs isə vaxtilə münasibətləri pozulmuş qızı Tonidir. Keçmiş günahlarını yumaq üçün o, məhz incik qızının dəstəyinə möhtac qalır.

«Ein Münchner im Himmel - Der Tod ist erst der Anfang» filmi Almaniya və Avstriya kinematoqrafçılarının birgə işidir. Komediya lentinin rejissor kürsüsündə David Ditl əyləşib. Baş rolları Hannah Herzsprung, Heiner Lauterbach, Leopold Hornung və Maximilian Brückner ifa ediblər.