Dalğalar üzərində yeriyən oğlan

Bretoniyanın La-Torş sahilində ürəyindən güllələnmiş gənc sörfçünün meyiti tapılır. Bu cinayətin araşdırılması polis kapitanı Jeremi Lobyeyə tapşırılır. Qurbanın kompüterində batmış Qrad-İs şəhəri haqqında qədim əfsanəyə aid mühazirə tapan kapitan kömək üçün keçmiş həmkarı Morqan Le Dantekə müraciət edir.

Təhqiqatın gedişində gəncin ailəsindən universitetdən çıxdığını və yerli sörfinq məktəbində işlədiyini gizlətdiyi məlum olur. Həmçinin cinayətin əsl səbəbinin qurbanın insanlardan uzaqlaşmış kiçik bacısı ilə olan münasibətlərində gizləndiyi üzə çıxır.

Fransa istehsalı olan bu detektiv filmini Emili Barbo və Sara Barbo çəkiblər. 2025-ci il ekran işində baş rolları Jeremi Banster, Evelin Bui, Frederik Burali və Matyo Roze ifa edirlər.