Ira

Nüfuzlu nazir Çandi adi tibbi müayinə zamanı xəstəxanada qəfil dünyasını dəyişir. Əvvəlcə ölümün səbəbi ürək tutması hesab edilsə də, tezliklə siyasətçinin zəhərləndiyi üzə çıxır. Polis dərhal cinayət işi açır və nazirin həkimi olan gənc Aryan şübhəli şəxs qismində həbs edilir.

Məsələni daha da qəlizləşdirən məqam isə gənc həkimin mərhum nazirin nəvəsi Cennifer ilə sevgi münasibətində olmasıdır. Aryan günahsız olduğunu bildirir və ittihamları rədd edir. Dolaşıq hadisəni araşdırmaq və həqiqəti üzə çıxarmaq üçün xüsusi müstəntiq Raciv yenidən təhqiqata başlayır.

Hindistan istehsalı olan «Ira» filmi 2018-ci ildə nümayiş olunub. Ekran əsərinin rejissoru Harikrishna S.-dir, əsas rolları isə Vasishta N. Simha, Rajavardhan, Krishi Thapanda və Atul Kulkarni canlandırıb.