Working Class Boy

Gələcəkdə Cimmi Barns kimi məşhurlaşacaq Ceyms Dikson Suanın uşaqlıq illəri Qlazqonun yoxsul məhəllələrində keçib. Valideynlərinin spirtli içki asılılığı, məişət zorakılığı və səfalət onun böyüdüyü mühiti dözülməz edirdi. 1960-cı illərin əvvəllərində ailə çıxış yolunu Avstraliyaya köçməkdə gördü və Adelaida ətrafında məskunlaşdı.

Şotlandiyadan uzaqlaşmaq ailədaxili gərginliyi və ehtiyacı aradan qaldırmadı, əksinə problemlər daha da dərinləşdi. Çıxılmaz vəziyyətdə qalan gənc ətrafındakı mənfi mühitdən qurtulmaq üçün bir yol axtarırdı. Bu çətin dövrdə musiqi onun üçün dağıdıcı gerçəklikdən yeganə xilas vasitəsinə çevrildi.

«Working Class Boy» bioqrafik sənədli filmi 2018-ci ildə ekranlara çıxıb. Ekran əsəri avstraliyalı rok ifaçısının erkən yaşlarına və onun böyümə hekayəsinə həsr olunub.