Dənizi vəd edən müəllim

1935-ci ildə gənc müəllim Antoni Benayxes Burqos vilayətində yerləşən ucqar bir kənd məktəbinə dərs deməyə gəlir. O, ənənəvi sərt qaydalardan uzaqlaşaraq yenilikçi pedaqoji yanaşmalar tətbiq etməyə başlayır və şagirdlərinin dünyagörüşünü dəyişir. Antoni heç vaxt dəniz görməyən bu uşaqlara onları mütləq sahilə aparacağını vəd edir.

Lakin müəllimin tətbiq etdiyi sərbəst və yaradıcı tədris tərzi kənddəki mühafizəkar valideynlərin narazılığı ilə üzləşir. Şagirdlərini sevindirmək istəyən Antoni köhnə düşüncəli yerli sakinlərin təzyiqləri qarşısında öz prinsiplərini qorumaq məcburiyyətində qalır.

«El mestre que va prometre el mar» bioqrafik dram filmi İspaniya istehsalıdır və 2023-cü ildə nümayiş olunub. Ekran əsərinin rejissoru Patrisiya Fontdur, baş rolları isə Enrik Oker, Laiya Kosta, Luisa Qavasa və Ramon Aqirre canlandırıblar.